Fyrir viðburðahaldara

Viðburðir með veitingasölu á Menningarnótt

Þeir sem ætla að vera með veitingasölu á sínum viðburði á Menningarnótt skulu tryggja að fylgja settum reglum.

Sækja þarf um starfsleyfi hjá Heilbrigðiseftirliti Reykjavíkurborgar til þess að vera með veitingasölu.

Ef áfengisveitingar verða á svæðinu þarf að sækja um tækifærisleyfi til áfengisveitinga hjá Sýslumanninum á Höfuðborgarsvæðinu.

Staðir sem eru nú þegar með útiveitingaleyfi þurfa ekki að sækja um frekara leyfi nema ef ætlunin er að vera með afgreiðslu áfengisveitinga utandyra, s.s. útibar. Ef ætlunin er að vera með afgreiðslu áfengisveitinga utandyra þarf að sækja um tækifærisleyfi til áfengisveitinga til viðbótar við gilt rekstrarleyfi.

  • Enginn getur verið með afgreiðslu áfengisveitinga utandyra nema vera með tækifærisleyfi til áfengisveitinga
  • Afgreiðsla áfengisveitinga þarf að vera staðsett innan þess svæðis sem útiveitingaleyfið nær yfir
  • Áfenga drykki má ekki bera út af útiveitingasvæðinu

Viðburðir án veitinga á Menningarnótt

Þeir sem ætla að vera með viðburð án veitinga þurfa einnig að fylgja reglum.

Ef viðburður er innandyra þarf húsnæði að vera með starfsleyfi fyrir samkomuhús.

Sótt er um það hjá Heilbrigðiseftirliti Reykjavíkur, en einnig þarf að sækja um tækifærisleyfi hjá Sýslumanninum á Höfuðborgarsvæðinu.

Ef viðburður er utandyra þarf ekki að sækja um frekara leyfi.